احنا عادة نتكلم عن البيع وكأننا نروح للناس عشان ناخذ منهم
آخذ أموالهم
أحصل على مبيعات
أحقق هدفي
أوصل للرقم اللي ابغاه
وحتى لغة التسويق احياناً تعمق هذا الشعور
كيف تحول المتابع إلى عميل؟
كيف ترفع نسبة التحويل؟
كيف تغلق الصفقة؟
كيف تخلي العميل يشتري؟
وكأن في شي عند الطرف الآخر نبغى ننتزعه
لكن في اللقاء، أعجبتني جداً فكرة الإنفاق
عندك شي:
علم
خبرة
مهارة
تجربة
طريقة
قدرة
شي ممكن أخذ منك سنوات حتى صار عندك
والآن في شخص يحتاج هذا الشي
فتنفق منه
تعطينه
وهو ينتفع
ثم يعطيك مقابله
لما نفهم البيع بهذي الطريقة، يتغير شعورنا اتجاهه
ما عاد السؤال:
كيف آخذ من الناس؟
يصير:
ايش عندي ويمكن أن أنفق منه؟
وهذا بالنسبة لي يعيد البيع إلى مكانه الطبيعي جداً
لأننا أصلًا ننفق طوال الوقت
الأم تنفق من وقتها
المعلم ينفق من علمه
الطبيب من معرفته
المصمم من ذائقته وخبرته
الكاتب من أفكاره
وحتى أنتِ لما تكتبين محتوى مفيد أو تجاوبين على سؤال أحد أنتِ تنفقين
عشان كذا لا تخاف من فكرة إعطاء المعرفة المجانية
لا تقولين المعلومة هذي بخليها للدورة
او يقولو لا تعطين كل شيء، الناس ما راح تشتري
يمكن أحيانًا نعطي فعلًا أكثر مما نحتاج
لكن مو عشان العلم إذا خرج منك انتهى
بالعكس، العلم الذي لا يُنفق يتحول إلى شيء ساكن
ومع ذلك، هذا لا يعني أن كل شي يكون مجاني
وهنا بعد مهم التوازن
في أشياء ممكن أعطيها ببساطة
وفي أشياء تحتاج وقت، حضور، خبرة، متابعة، وتعمّق… ومن الطبيعي أن يكون لها مقابل
المشكلة مو اني اخذ المال
المشكلة لو صار المال هو الغاية الوحيدة اللي اشوف من خلاله الشي اللي أسويه
لأني وقتها ممكن أبدأ أختار اللي أبيعه بناء على:
إيش الأكثر ربح؟
بدل مايكون إيش الأكثر نفع؟
وهذا السؤال مهم نوقف عنده ونتأمل ونتفكر كثير
لو كان تركيزك الأول فعلًا على نفع الشخص اللي أمامك
كيف بيتغير منتجك؟
محتواك؟
عرضك؟
طريقة كلامك؟
حتى طريقة بيعك؟
بتصيرين أكثر وضوح
لأن ما عاد عندك حاجة تلفين وتدورين حتى تقنعين احد بشي ما يحتاجه
بكل بساطة بتقولين:
هذا عندي وأعتقد أنه قد ينفعك
وهذا في رأيي صورة جميلة جداً للبيع
أن يكون عندي شي أنفق منه
وأن يكون هناك شخص ينتفع
ثم يكون المال جزء من هذي الدائرة
مو الشي الوحيد فيها.
هل احنا بنستخدم الاستراتيجيات… او أننا أحيانًا نوقِن بها؟
في الرسالة القادمة بحكي لك عن الفرق الذي ممكن يكون صغير بين الاثنين، لكنه يغيّر علاقتنا بالبيع بشكل كبير
كوني قريبة
