هذا الشي أعتقد أننا نحتاج نتكلم عنه أكثر
خصوصاً إذا كنا نعمل لحسابنا مشروعنا
لأن راسنا ما تسكت فيه هذي الأفكار
يمكن الناس ما يعجبهم شغلي
يمكن تأخرت
يمكن السوق تغير
يمكن غيري أفضل
يمكن ما راح أبيع
يمكن لازم أرجع أبدأ من جديد
وأحياناً نتعامل مع كل فكرة تمر في رؤوسنا وكأنها حقيقة تحتاج اننا نستجيب لها بشكل فوري
تجيني فكرة تخوفني، أصدقها و أبني عليها قرار
مو كل فكرة تستحق أن تأخذ مكان في قلبك وتتصرف من خلالها
في أفكار تجي عشان تفتح لك باب
وفي أفكار تجي عشان تغلق كل الأبواب
والفرق مو دايم واضح
لكن نتعلم مراقبة أثر الفكرة علينا
هل هذي الفكرة خلتني أكثر صدق؟
أكثر شجاعة؟
أكثر اتزان؟
تدفعني لعمل شي نافع؟
احسها ارشاد والهام من ربي؟
ولا خلتني مذعورة؟
ابغى أهرب
ابغى أختفي
ابغى أوقف كل شيء
ابغى أغير نفسي حتى أرضي الناس
وأعتقد أن هذا مهم جداً في البيع والظهور
لأن السوق مليان أفكار
والمحتوى مليان أفكار
وكل شخص عنده طريقة
وكل شخص عنده «لازم»
حتى احنا أحيانًا نسمح لهذي الـ«لازم» انها تدخل رؤوسنا وتعيش فيها
لازم تنشرين كل يوم
لازم تظهرين بوجهك
لازم تسوين فيديوهات
لازم يكون عندك منتج منخفض السعر
لازم يكون عندك آلاف المتابعين
لازم…
لازم…
لازم…
وبعد فترة ما نعرف:
هل هذي الأشياء فعلاً تناسبني؟
او اني فقط خفت اكون مختلفة عن الجميع؟
اليقين هنا مو بس اني أثق بالله في النتيجة
يمكن يكون اني اتعلم ما اصدق كل شي يمر علي داخلي او خارجي
أوقف لما تجي الفكرة
أسأل
أطلب الهداية
وأمشي خطوة خطوة
مو كل فكرة تحتاج قرار
ولا كل صوت مرتفع في السوق لازم يصير صوت داخلي عندي
والصراحة هذا شي احتاج اذكركم واذكر نفسي فيه دايم..
مو كل صوت مرتفع في السوق لازم يصير صوت داخلي عندي ومهم اوعى له وانتبه منه..
