في صوت جوّاك ما تسمعينه بس يتحكم في كل خطوة تخطينها في البيع
تخيلي معي تجلسين تكتبين عرضك او محتواك عن الخدمة
كل شي واضح في رأسك
القيمة موجودة
المنتج/ الخدمة جاهزة
وفجأة بدون سبب واضح تمسحين كل شي وتقفلين الجوال
هذا مو تردد عشوائي هذا صوت قديم يشتغل في الخلفية
سارة كل ما كتبت سعرها تحسه كثير فتحطه أقل
وتقول: عشان ما أخسر العميلة
الصوت اللي جوّاها يقول:
ما تستحقين هذا السعر
هي ما تسمعه بس تترجمه كل يوم بدون ما تعرف
نورة تكتب منشور رائع
تراجعه عشر مرات وتنشره بسرعة وتقفل الجوال فوراً
ما تقدر تشوف التعليقات
الصوت اللي جوّاها يقول:
لو ظهرتِ ممكن يرفضونك فتظهر وتختفي في نفس اللحظة
منى عندها كورس ممتاز
بس ما تعرض إلا لما تكون مضطرة
وكل مرة تعرض تحس بشي ثقيل جوّاها كأنها تسأل أحد معروف
الصوت اللي جوّاها يقول:
طلب الفلوس يعني إنك محتاجة
فتبيع على استحياء والعميلة تحس بهذا قبل ما تقرا كلمة وحدة
هند كل ما جا تعليق سلبي واحد
غيّرت المنتج أو خفضت السعر أو وقفت الكورس كامل
الصوت اللي جوّاها يقول:
قيمتك تحددها موافقة الناس
فتبني مشروعها على رأي غيرها مو على يقينها هي وايمانها
الرابط بينهم كلهم:
كل وحدة منهم تعتقد إن مشكلتها في:
المحتوى، أو السعر، أو الجمهور او الخدمة
لكن المشكلة الحقيقية؟
صوت قديم في اللاواعي يُترجم نفسه إلى سلوك كل يوم بدون ما تكون واعية له
باختصار:
ما تغيّرين الاستراتيجية وتبحثين عن حلول خارجية والصوت اللي جوّاك هو نفسه
بتكررين نفس النمط بشكل مختلف فقط
البيع دائماً يبدأ من الداخل🌊
